შეხვედრა მუნიციპალიტეტის მოსახლეობასთან

სასოფლო-სამეურნეო კოოპერატოვების განვითარების სააგენტო, ცნობადობის ამაღლების მიზნით, რეგიონებში გასვლით შეხვედრებს მართავს. სწორედ ამ ფორმატის ფარგლებში გამართულ შეხვედრაზე, სააგენტოს თავმჯდომარე გიორგი მიშელიძე ყვარლის მცოვრებლებს შეხვდა და ყველა იმ საკითხზე ესაუბრა, რაც ამჟამად მოსახლეობისთვის სიახლეს წარმოადგენს. სააგენტოს ხელმძღვანელმა ვრცლად და დეტალურად განმარტა თუ რატომ უწყობს ხელს სახელმწიფო კოოპერატივების შექმნას, რომლის საკანონმდებლო ბაზა საქართველოს პარლამენტისა და მთავრობის ერთობლივი გადაწყვეტილებით მოწესრიგებულია და უკვე არსებობს “სასოფლო-სამეურნეო კოოპარატივების განვითარების კანონი” იქვე ისაუბრა კოოპეტრატივების მთავარ პრინციპებზე, იმაზეც, თუ რატომ უნდა გაწევრიანდნენ გლეხები სასოფლო-სამეურნეო კოოპერატივში და რა პროგრამებს განახორციელებს სახელმწიფო მათ ხელშესაწყობად, რა საგადასახადო შეღავათებით ისარგებლებენ ისინი და როგორ უნდა შეიქმნას ასეთი კოოპერატივი, რა იქნება მისი ქონება და როგორი იქნება სტატუსი. შეხვედრა, რომელსაც ყვარლის მუნიციპალიტეტის გამგებელი დავით ქევხიშვილი და მისი მოადგილე აკაკი ნათალიშვილიც ესწრებოდნენ საზოგადოებასთან კითხვა პასუხის რეჟიმში გაგრძელდა.